Ут һис кемде аямай

Бөгөн көндөҙ Рәсәй Ғәҙәттән тыш хәлдәр министрлығының Башҡортостан Республикаһы буйынса баш идаралығына Дүртөйлө районының Эңгәсәк ауылында йорт яныуы тураһында хәбәр килә. Янғын һүндереүселәр килеп еткәндә ут йортто, гаражды, мунсаны һәм һарайҙы ялмап алған була.

Янғынды һүндереү барышында 1936 йылғы ҡатындың кәүҙәһе табылған...

Ваҡиға сәбәптәре асыҡлана, урында тәфтиш-оператив төркөм, Рәсәй Ғәҙәттән тыш хәлдәр министрлығы тәүтикшереүсеһе һәм Башҡортостандың Ғәҙәттән тыш хәлдәр буйынса дәүләт комитеты инструкторы эшләй.

Ут менән һаҡ булығыҙ, дуҫтар!

Фото: асыҡ сығанаҡтарҙан.