Күңел - тиҫбе

Төймә - төймә уйҙар Ебәк кенә ептәр - хистәрҙән Өҙөлгәйне, бер һепертмә буран Өйөрөлтөп ап - аҡ кистәрҙән   Алып киткәс хәтер һуҡмағынан Бәхет тулы йәйҙәр иленә, Һары һағыш һөйрәп барам ниҙән Ҡайыш тағып көҙҙәр биленә?   Ҡайыш тағып ирҙәр яуға китә... Баш ҡалҡытҡан "хаин, гитлерҙәр." Ҡалҡан итеп ғәзиз ғүмерҙәрен Ут эсендә бөгөн йәш ирҙәр....   Ауыр килә көҙҙәр. Ҡанлы... Даулы... Тыныс донъя ғына - солтанат! Йәнә башҡорт яуҙа - яуҙаш... Илен Итмәҫ өсөн меҫкен олтанат.   Минзәлә Шөғәйепова  

Күңел - тиҫбе