Бөтә яңылыҡтар
Яңылыҡтар таҫмаһы
25 Октябрь , 16:30

Мәсетлелә хәрбиҙәргә ярҙам итеү маҡсатында хәйриә концерты үткән

Мәсетле районында махсус хәрби операцияла ҡатнашыусыларға ярҙам итеү маҡсатында «Беҙ бергә! Беҙ – Рәсәй» тип исемләнгән  хәйриә концерты ойошторолған. Билеттар һатыуҙан алынған килем 38 мең һумдан ашыу тәшкил иткән. Был хаҡта Мәсетле районы башҡорттары ҡоролтайы төркөмө хәбәр итә.

Мәсетлелә  хәрбиҙәргә ярҙам итеү маҡсатында  хәйриә концерты үткән
Мәсетлелә хәрбиҙәргә ярҙам итеү маҡсатында хәйриә концерты үткән

Сараны район мәҙәниәт йорто артистары һәм ижади коллективтар ярҙамында Мәсетле районы башҡорттары ҡоролтайының башҡарма комитеты һәм Башҡортостан Республикаһы рустары соборының урындағы бүлексәһе үткәргән.
– Беҙҙең бурыс - үҙебеҙҙең егеттәргә ярҙам итеү, мөмкин булғанса булышлыҡ итеү, яугирҙар кәрәкле бөтә нәмә менән тәьмин ителһен өсөн барыһын да эшләү. Быларҙың барыһына ла битараф булмаған мәсетлеләр һәм эшҡыуарҙар берләшмәһе ярҙамынан тыш ирешеп булмаҫ ине, – ти үҙенең сығышында Мәсетле районының хакимиәте башлығы Әнис Әсәҙуллин.
Тыуған илгә һөйөү хисе менән һуғарылған һәр бер сығыш барлыҡ килеүселәрҙең күңеленә хуш килгән. Барыһы ла, тиҙерәк һуғыш бөтөп, ир-егеттәребеҙ иҫән-һау әйләнеп ҡайтыуын теләй.

 

Фото: Т. АМАНОВ.

Автор:Гөлназ Шәйхетдинова
Читайте нас в