Премьер-министр Андрей Назаров әйтеүенсә, 2022 йылда Башҡортостанда 18 йәштән оло етем-балаларҙы торлаҡ менән тәьмин итеү буйынса йыйылған бурысты бөтөрөү буйынса программа ҡабул ителгән.
- Ҡабул ителгән программа 2025 йылға тиклем ғәмәлдә була һәм 4 меңдән ашыу кешене торлаҡ менән тәьмин итергә булышлыҡ итәсәк. Быйылдан башлап беҙ уны финанслау күләмен 61 процентҡа арттырҙыҡ. Хәҙер ул 1,5 млрд һумдан күберәк тәшкил итә. Етем-балаларҙы торлаҡ менән тәьмин итеү муниципалитеттар ҡарамағында. Иң киҫкен мәсьәлә – талаптарға яуап бирерлек торлаҡ биналарҙың булмауы. Уны хәл итеү өсөн муниципалитеттарға сиктәш ҡала-райондарҙа торлаҡ һатып алыу хоҡуғы бирелде, – тине Андрей Назаров.
БР төҙөлөш һәм архитектура министры вазифаһын башҡарыусы Егор Родин әйтеүенсә, республикала 7857 етем-бала торлаҡҡа сиратта тора. 2021 йылда шулар иҫәбенән 762 кеше йәшәү урыны менән тәьмин ителгән. 2022 йылда 943 етем-баланың торлаҡ мәсьәләһен хәл итеү планлаштырыла.