Быйылғы көҙ

Көләс кенә һары түгел быйылғы көҙ... Быйылғы көҙ- мөлдөрәмә тулған күңел. Түгелеп китә өмөт тулы күңелкәйҙәр, Өҙөлгәндә япраҡ кеүек ғүмеркәйҙәр.   Ҡоштар быйыл сарбайламай, йырлап китә... Һауаларҙы ярыр һағыш йөрәк өтә... Ҡоштарҙы ла, ҡоштар кеүек киткәнде лә Тыуып-үҫкән еркәйҙәре Өҙөлөп көтә...   Урмандар ҙа быйыл никтер илағыраҡ, Япраҡтары өҙөлөп төшә иламһырап. Уралынан йыраҡтарға тик бер теләк- Өҙөлмәһен юлҡайҙары, ҡайтһын урап.   Тик бер теләк: яҙҙар итеп һалҡын көҙҙө, Һөйөндөрөп зар илашып ҡалған беҙҙе, Теүәл генә, талғын ҡанат ҡағынғандай, Ҡайтһын ирҙәр йырлай-йырлай. Йырлай-йырлай...   Миләүшә Ҡыҙрасова

Быйылғы көҙ