Уңыш сере нимәлә?

Шулай тип һорағандар бер эшлек­ленән. Ҙур уңыштарға өлгәшкән бизнесмен ҡыҫҡа ғына яуап бирә алыуын белдергән дә:
– Дөрөҫ ҡарарҙар ҡабул итеү, – тигән.
– Ә һеҙ ҡабул иткән ҡарарҙарығыҙ­ҙың дөрөҫ буласағын ҡайҙан беләһе­геҙ? – тип ныҡышҡандар.
– Бында мин бер генә һүҙ менән яуап­лайым – тәжрибә.
– Һм, ә тәжрибә нисек туплана һуң?
Эшҡыуар йылмайған. 
– Тағы ла ҡыҫҡа ғына итеп әйтәм – дөрөҫ булмаған ҡарарҙар ҡабул итеү менән...
Шулай икән был донъяла уңыш ҡаҙаныу сере – ҡарарҙар, хаталар, тәжрибә һәм, ниһайәт, уңыш!

Айсын АҠБУЛАТОВА әҙерләне.