Бөтә яңылыҡтар
Яңылыҡтар таҫмаһы
23 Октябрь , 12:05

Көнсығышса баклажан

Тултырылған баклажан бик тәмле була.

Көнсығышса баклажан
Көнсығышса баклажан

Бер ҙур баклажан өс ҡалаҡ зәйтүн майы, 250 г ит фаршы, бер баш һуған, ике-өс тырнаҡ һарымһаҡ, 100 г ҡырылған сыр, бер баш татлы борос, ике помидор, бер йомортҡа, өс ҡалаҡ самаһы панировка сохарыйы, тәменсә тоҙ һәм йәшел тәмләткестәр кәрәк. Был – дүрт порцияға.  

  1. Йәшел тәмләткес үләнде – ваҡлап, боросто, помидорҙы шаҡмаҡлап турарға.
  2. Баклажанды оҙонсалап икегә бүлеп, эсендәге йомшағын алырға ла, ҡайнап торған һыуға һалып, 5 – 7 минут бешерергә. Һуңынан һыуын һарҡытырға.
  3. Фаршты зәйтүн майында еңелсә (тотош бешкәнсә түгел) ҡыҙҙырып алырға.
  4. Икенсе табала майҙа боросто, һуған һәм һарымһаҡты 4 – 5 минут ҡыҙҙырырға.
  5. Шунан ошо өс массаны бергә ҡушып, уға тәмләткес, сохарый, йомортҡа, сырҙы һәм помидорҙы һалып, бутарға.
  6. Артабан баклажандың эсенә һалырға һәм 180 градусҡа эҫетелгән духовкала 45 минут самаһы бешерергә.

Тәмле булһын!

Автор:Алһыу Ишемғолова
Читайте нас в