Бөтә яңылыҡтар
Яңылыҡтар таҫмаһы
20 Октябрь , 16:15

Уҙған тәүлектә Башҡортостан халҡы мутлашыусыларға 9 миллион һумдан ашыу аҡса күсергән

Бүздәк районында йәшәгән 54 йәшлек ир ялған "банк хеҙмәткәре"нең алдағына ышанып, кредит алған да, дүрт миллион һумға яҡын аҡсаны "ышаныслы" иҫәпкә күсергән.  

Уҙған тәүлектә Башҡортостан халҡы мутлашыусыларға 9 миллион һумдан ашыу аҡса күсергән
Уҙған тәүлектә Башҡортостан халҡы мутлашыусыларға 9 миллион һумдан ашыу аҡса күсергән

Ә Баҡалы районынан 30 йәшлек ҡатынға билдәһеҙ әҙәмдәр Интернет селтәре аша табышлы эш тәҡдим иткән. Тәүҙә, әлбиттә, махсус иҫәп асып, шунда аҡса һалыу талап ителгән... Ҡатын инструкцияны теүәл үтәп, муттарға 1,7 миллион һум аҡса бүләк иткән.

Тәүлек эсендә йәмғеһе 15 кеше алданып, кәкре ҡайынға терәлгән. Уларҙың сафын тулыландыра күрмәгеҙ!

Фото: асыҡ сығанаҡтарҙан.

Автор:Баныу Ҡаһарманова
Читайте нас в