Өс кешенең ғүмере өҙөлдө...

Бөгөн кис Өфө районында, М-7 автоюлының 1331-се саҡрымында, өс автомобиль: "ВАЗ-2109", "Лада Веста" һәм "Тойота Камри" бәрелешкән. Юл-транспорт ваҡиғаһында "ВАЗ"дың водителе үлемесле йәрәхәтләнеп, йән биргән. Ваҡиға урынында ашығыс хеҙмәттәр эшләй. Саҡ ҡына алдараҡ, 19.35 сәғ., Күмертау ҡалаһы янында тағы бер ҡурҡыныс авария теркәлгән.

Р-240 "Өфө-Ырымбур" автоюлының 228-се саҡрымында "Лада Гранта" менән "КамАЗ" йөк автомобиле бәрелешкән. Юл-транспорт ваҡиғаһы һөҙөмтәһендә, ҡыҙғанысҡа ҡаршы, ике кеше һәләк булған, өс кеше ауыр йәрәхәтләнеп, Күмертау үҙәк ҡала дауаханаһына оҙатылған. Емерек машина эсенән кешеләрҙе Башҡортостан Республикаһының Ғәҙәттән тыш хәлдәр буйынса дәүләт комитетының зона эҙләү-ҡотҡарыу отряды хеҙмәткәрҙәре сығарған. Юл-транспорт ваҡиғалары сәбәптәре асыҡлана.

Фото: БР ЮХХДИ, БР Ғәҙәттән тыш хәлдәр буйынса дәүләт комитетының матбуғат хеҙмәте.