Ике кеше һәләк булған...

Төнгө сәғәт өсөнсө яртыла Иглин районының Ясная Поляна ауылы эргәһендә, М-5 "Урал" автомобиль юлының 1502-се саҡрымында, 20 йәшлек егет идара иткән "ВАЗ-2112" һәм 49 йәшлек ҡатын идара иткән "Хендай Грета" машиналары бәрелешкән.

Юл-транспорт ваҡиғаһында "Лада" водителе һәм уның пассажиры, 20 йәшлек ҡыҙ, ауыр йәрәхәттәрҙән урында йән биргән. "ВАЗ"дың тағы ла ике пассажирына медицина ярҙамы талап ителгән. Шулай уҡ ХМАО-нан килгән "Хендай" водителе һәм уның пассажиры ла, 55 йәшлек ҡатын, дауаханаға оҙатылған. 20 йәшлек егеттең водитель таныҡлығы булмаған. Тикшереү башланған, уның барышында ваҡиға сәбәптәре асыҡлана.

Фото: БР ЮХХДИ.