14 бәшмәксе юғалған

Архангел, Белорет, Благовещен, Иглин, Ишембай, Мәләүез, Нуриман, Өфө һәм Шаран райондарынан, Өфө ҡалаһынан аҙашыусылар ярҙам һорап шылтыратҡан. Юғалғандарҙың күбеһе урманға бәшмәк йыйырға сыҡҡан.

Мәҫәлән, 16 октябрҙә  киске сәғәт 7-се яртыла Мәләүез районында өс кешенең юғалыуы тураһында хәбәр килә. Улар урманға ике автомобилдә юлланған. Аҙашыусыларҙы 17 октябрҙә иртәнсәк кенә табалар.

Бәшмәкселәрҙең барыһы ла иҫән-һау табылған һәм медицина ярҙамына мохтаж булмаған.

Фото: Т. Аманов