2021 йылдың 17 сентябрендә «Дубрава-Радио» коммерцияға ҡарамаған баҡсасылыҡ ширҡәтендә ир менән ҡатын араһында низағ сыға. Ир 45 йәшлек ҡатынына еңел тоҡанып китеүсе шыйыҡса һибә һәм бәлиғ булмаған ҡыҙының күҙ алдында ут төртә. Әсәһенә ҡапҡан утты һүндереп, ҡыҙы “Ашығыс ярҙам” саҡырған. Зыян күреүсе 76 процент тән бешеүе алған. Күрһәтелгән ярҙамға ҡарамаҫтан, ул 2021 йылдың 11 октябрендә үлә.
Ғәйепләнеүсе үҙ ғәйебен өлөшләтә генә таный. Суд уны 16 йылға ҡаты режимлы холоҡ төҙәтеү колонияһына оҙатты, унан һуң йыл ярымға иркенән сикләне. Шулай уҡ ул зыян күреүсенең туғандарына 1,5 миллион һум күләмендә компенсация түләргә тейеш ти белдерҙе.
Фото: Т. Аманов