Бөтә яңылыҡтар
Яңылыҡтар таҫмаһы
17 Октябрь , 16:05

Башҡортостан халҡы һирәк осраған астрономик күренешкә шаһит була ала

25 октябрҙә Башҡортостанда йәшәүселәр Ҡояш тотолоуын күҙәтә ала. Был хаҡта Өфө ҡала планетарийынан хәбәр иттеләр.

Башҡортостан халҡы һирәк осраған астрономик күренешкә шаһит була ала
Башҡортостан халҡы һирәк осраған астрономик күренешкә шаһит була ала

Алда тотолғандарҙан айырмалы рәүештә, был бик ҙур фазаға эйә буласаҡ - 0,81. Йәғни иң юғары тотолошонда Ай Ҡояш ҡулсаһының 0,81 өлөшөн ҡаплаясаҡ.

 

Өфөлә Ҡояш урындағы ваҡыт буйынса көндөҙгө сәғәт 2 тула 44 минутта тотола башлай. Иң юғары нөктәгә 15:59 сәғәттә килеп етә, ул саҡта Ай ҡояш дискыһын 0,81 өлөшөн ҡаплай. 17:09 сәғәттә тотоу тамамлана. Тотош процесс 2 сәғәт 25 минутҡа һуҙыла. Тотолған урынды яҡшыраҡ күреү өсөн көньяҡ-көнбайышҡа табан асыҡ ерҙә урын һайларға кәрәк.

Киләһе тотолоуҙы 5 йылдан - 2027 йылдың авгусында бәләкәй фазала күрергә мөмкин.

2030 йылдың 1 июнендә 0,9- фазаһында тотолоуҙы күҙәтергә мөмкин буласаҡ. Башҡортостанда йәшәүселәр ҡояштың тулыса тотолоуын 2061 йылдың 20 апрелендә күрә аласаҡ.

 

Фото: Т. Аманов

Автор:Гөлнара Солтанова
Читайте нас в