Балаларҙы һәм ғаиләләрҙе яҡлау өлкәһендә Президенттың йөкләмәләре баҫылды

1. РФ Хөкүмәтенә:

а) Рәсәй ҡануниәтенә балалар һәм үҫмерҙәр өсөн милли художестволы (уйын) фильмдарын төшөрөүҙе һәм прокатын тулыһынса дәүләт финанслауы өсөн үҙгәрештәр индереүҙе тәьмин итергә. Үтәү ваҡыты – 2022 йылдың 30 декабренә;

б) 2023/24 уҡыу йылынан ил субъекттарынынң бөтә һөнәри уҡыу йортонда берҙәм тәрбиәүи мөхит булдырыу һәм йәштәрҙе ижтимағи-файҙалы эшмәкәрлеккә йәлеп итеү маҡсатында директорҙың тәрбиә һәм балалар йәмәғәт ойошмалары берләшмәләре менән эшләү буйынса кәңәшсеһе вазифаһын булдырыуҙы тәьмин итергә. Доклад – 2023 йылдың 1 сентябренә, артабан – һәр ярты йыл һайын;

2. Рәсәй Хөкүмәтенә һәм РФ субъекттарының башҡарма власть органдары менән берлектә:

а) патриотик һәм рухи-әхлаҡи тәрбиә биреү мәсьәләләрен көйләүсе федераль һәм төбәк кимәлендәге стратегик планлаштырыу документтарына һәм норматив хоҡуҡи акттарға анализ яһарға һәм уларҙағы “рухи-әхлаҡи ҡиммәттәр” һәм ”рухи-әхлаҡи тәрбиә” төшөнсәләренең аңлатмаларын гармониялаштырыуға һәм унификациялауға йүнәлтелгән үҙгәрештәр индерергә. Доклад – 2022 йылдың 1 декабренә, артабан – йыл һайын;

б) балалар һәм йәштәрҙең дөйөм Рәсәй ижтимағи-дәүләт хәрәкәтенә ярҙам күрһәтеү, шул иҫәптән уның матди-техник базаһын булдырыу буйынса тәҡдимдәр әҙерләргә, балаларҙың ялын һәм уларҙы һауыҡтырыуҙы ойоштороуҙы, атап үтелгән Хәрәкәт менән үҙ-ара эш итеүсе өҫтәмә белем биреүҙе, мәҙәниәтте һәм спортты ойоштороуҙы билдәләргә. Доклад – 2022 йылдың 1 декабренә, артабан – ярты йыл һайын;

3. Рәсәй Хөкүмәтенә “Интернетты үҫтереү институты” автономлы коммерция булмаған ойошма менән берлектә даими рәүештә яңы форматтарҙа балаларға һәм йәштәргә патриотик һәм рухи-әхлаҡи тәрбиә биреүгә йүнәлтелгән кәрәкле һанлы контент һәм мультимедиа булдырыуҙы тәьмин итергә, был маҡсатҡа федераль ҡаҙнанан 2023 йылдан башлап йыл һайын 3900 млн һум күләмендә бюджет тупламдары бүлеүҙе ҡарарға. Доклад – 2022 йылдың 1 ноябренә, артабан – йыл һайын;
4. Рәсәй Хөкүмәтенә “Белем” Рәсәй ойошмаһы” Бөтә Рәсәй ижтимағи-дәүләт мәғрифәт ойошмаһы ҡатнашлығында юғары белем биреү программаларын ғәмәлгә ашырған дөйөм белем биреү ойошмалары педагогтары өсөн йәштәр менән эшләү буйынса белем һәм компетенция күтәреүгә йүнәлтелгән саралар (көнүҙәк ижтимағи-сәйәси ваҡиғалар һәм белем биреү-алыуҙың төрлө ҡаҙанышына иғтибар бүлеп) уҙғарыуҙы тәьмин итергә. Доклад – 2022 йылдың 1 декабренә;
5. Рәсәйҙең Мәғрифәт министрлығына РФ субъекттарының башҡарма власть органдары менән берлектә һәм Рәсәй тарих ойошмаһы, Рәсәй хәрби-тарихи ойошмаһы ҡатнашлығында Рәсәй Федерацияһы субъекты тарихын (тыуған яҡ тарихын) уҡытыуҙы башланғыс дөйөм, төп дөйөм һәм урта дөйөм белем биреүҙең төп мәғариф программаларына ярашлы раҫлатып эш итеүҙе тәьмин итергә. Доклад – 2022 йылдың 1 декабренә;
6. Рәсәйҙең Мәҙәниәт министрлығына Рәсәй рухи-әхлаҡи ҡиммәттәре нигеҙендә төрлө яҡлап үҫтереүгә йүнәлтелгән художестволы, документаль, ғилми-популяр, уҡыу, анимацион фильмдарҙы ҡарау маҡсатында башланғыс дөйөм, төп дөйөм һәм урта дөйөм белем биреү программалары буйынса уҡыусыларҙы бюджет аҡсалары иҫәбенә кинотеатрҙарға йөрөтөүҙе ойоштороу буйынса тәҡдимдәр әҙерләргә. Доклад – 2022 йылдың 1 декабренә.