Бөтә яңылыҡтар
Яңылыҡтар таҫмаһы
13 Октябрь , 23:02

Махсус операцияла ҡатнашҡан егеттәргә посылка

Өфөлә йәшәүсе Рөстәм Хөснулла улы Баязитов - запастағы подполковник, офицер-десантсы, армия менән бәйле һәр нәмә уның өсөн изге. Торлаҡ хужалығында бергә эшләгән хеҙмәттәшенең, 52-се торлаҡ-эксплуатация идаралығы начальнигы Рәмилә Ғайсинаның иһә улы Денис - хәрби кеше, гвардия өлкән лейтенанты Рәсәйҙең Һауа-десант ғәскәрҙәре сафында хеҙмәт итә. Махсус хәрби операцияла ҡатнашып, бер нисә тапҡыр яраланған Денис менән осрашҡандан һуң, Рөстәм яҡташыбыҙ хеҙмәт иткән подразделениеға ярҙам ойошторорға ниәт итә. Башланған эш - бөткән эш: бөгөн Рөстәм, Юлиә һәм Рушана исемле ҡыҙҙары менән бергә, Башҡортостан егеттәре хеҙмәт иткән Псков парашют-десант ротаһы өсөн 63 килограмлыҡ посылкалар ебәрҙе.

Махсус операцияла ҡатнашҡан егеттәргә посылка
Махсус операцияла ҡатнашҡан егеттәргә посылка

Изге эштә торлаҡ хужалығы коллективы, Рушананың синыфташтары ла ҡатнашҡан: өлкәндәр аҡса йыйышһа, балалар һалдаттарға хаттар яҙған. "ПроМедицина" үҙәгенең хирургы Әлмир Фуат улы Ҡорамшин һалдат аптечкалары өсөн медикаменттар туплап биргән.

- Үҙ ойошмабыҙҙа күмәкләп аҡса йыйҙыҡ, профсоюз, директор ярҙам итте, бөтәһе 70 мең һумдан ашыу аҡса йыйылды, - тип һөйләй Рөстәм Баязитов. - Шул аҡсаға ҡыҙҙарым менән берцы, башлыҡтар, термокейем, фонариктар, бирсәткәләр, ойоҡбаштар, һабын, медикаменттар, бинттар, пластырҙар, башҡа төрлө дарыуҙар, бысаҡтар һатып алдыҡ. Махсус операцияла ҡатнашҡан егеттәрҙең һәр береһе герой, тип иҫәпләйем. Имен-һау әйләнеп ҡайтһындар!

Афарин, запастағы подполковник!

Фото: Р.Х.Баязитов.

Махсус операцияла ҡатнашҡан егеттәргә посылка
Махсус операцияла ҡатнашҡан егеттәргә посылка
Махсус операцияла ҡатнашҡан егеттәргә посылка
Махсус операцияла ҡатнашҡан егеттәргә посылка
Махсус операцияла ҡатнашҡан егеттәргә посылка
Автор:Баныу Ҡаһарманова
Читайте нас в