Конкурсты Өфө ҡалаһы ҡала округының Үҙәк ҡала китапханаһының методик бүлеге ойоштора. Уның маҡсаты – профессиональ мөхиттә сараларҙы уҙғарыуҙың һәм алдынғы китапханалар тәжрибәһен таратыуҙың иң яҡшы өлгөләрен асыҡлау.
Конкурс ике номинация буйынса үтә: «Иң яҡшы онлайн-сара» һәм «Иң яҡшы офлайн-сара». «Иң яҡшы онлайн-сара» номинацияһында – 18 эш, «Иң яҡшы офлайн-сара» номинацияһында 151 эш ҡатнаша.
Эштәрҙе абруйлы жюри 10 октябрҙән 17-һенә тиклем ойоштороусы китапхананың рәсми сайтында www.ufa-lib.ru тауыш биреү юлы менән дә баһалаясаҡ.
Тауыш биреү өсөн һылтанма: https://ufa-lib.ru/luchshee-oflajn-meropriyatie һәм https://ufa-lib.ru/luchshee-onlajn-meropriyatie
Тауыш биреү 17 октябрҙә Өфө ваҡыты буйынса көндөҙгө сәғәт 12-лә тамамланасаҡ. Ә 18 октябрҙә конкурсҡа йомғаҡ яһаласаҡ.
Фото: Т. АМАНОВ.