Мутлашыусыны тоторға ярҙам иткән

Енәйәтсе был ҡатындың стационар телефонына шылтыратып, ҡыҙының юл-транспорт ваҡиғаһына осрауы тураһында хәбәр иткән. Аҡса түләгәндә енәйәт эҙәрлекләүенән ҡотолорға ярҙам итәсәкмен, тип белдергән ир. Ҡатын уға ышаныуын белдергән һәм аҡса түләргә риза булыуын әйткән, ә үҙе был мәлдә хоҡуҡ һаҡсыларын саҡыртҡан.

Курьер аҡса һорап килгәс, уны енәйәтте тикшереү бүлеге хеҙмәткәрҙәре ҡаршы алған. Енәйәтсе – Нуриман районында тыуып үҫкән 24 йәшлек егет. Уны ҡулға алалар, ә Өфө ҡатынын енәйәтсене тоторға булышлыҡ иткәне өсөн дәртләндереү ҡаралған.

Фото: Т. Аманов