Мультиваркала рагу

Кәрәкле аҙыҡ-түлек:

Баклажан – 4 дана

Ташҡабаҡ – 2 дана

Татлы борос – 2 – 3 дана

Помидор – 5 – 6 дана

Һуған – бер баш

Үҫемлек майы – 2 – 3 ҡалаҡ

Тоҙ – бер балғалаҡтан әҙерәк

Һарымһаҡ – 4 тырнаҡ

Шәкәр – бер семтем

Тәмләткестәр – самалап

Һыу – ярты стакан

4 – 5 порцияға иҫәпләнгән

Тәүҙә йәшелсәләрҙе турағыҙ. Һеҙҙең ҡарамаҡҡа, нисек теләйегеҙ, шулай булһын. Мәҫәлән, кемдер – шаҡмаҡлап, кемдер һалам кеүек итеп турай. Һуғанды, һарымһаҡты вағыраҡ итегеҙ.

Мультиварка һауытына үҫемлек майы ҡойорға ла, “Выпечка” режимына ҡуйырға. Һуғанды 3 – 4 минут ҡыҙҙырырға, уға помидор ҡушырға һәм тағы 7 – 8 минут бешерергә. Шунан борос, һарымһаҡ, баклажан (алдан һутын сығарып), ашҡабаҡ һалып, тоҙлап-борослап, тәмләткестәр, шәкәр (теләһәгеҙ), һыу һалып “Ҡыҙҙырыу” режимына 40 минутҡа ҡуйырға. 10 минуттан ҡапҡасты асып, тоҙон тикшереп ҡарарға мөмкин.

Тәмле булһын!