+24 °С
Дождь
Яңылыҡтар таҫмаһы
28 Сентября 2022, 06:40
Рәсәй гвардияһы һуғыш ваҡыты снарядын юҡ иткән
Рәсәй гвардияһының Башҡортостан Республикаһы буйынса идаралығының махсус тәғәйенләнештәге мобиль отряды хеҙмәткәрҙәре Мәсәғүт ауылында снарядҡа оҡшаш әйбер табылыуы тураһында хәбәр ала. Урында йәшәүсе үҙенең баҡсаһында ер эштәре ваҡытында боеприпас таба һәм шунда уҡ хоҡуҡ һаҡлау органдарына шылтырата.
Рәсәй гвардияһы һуғыш ваҡыты снарядын юҡ иткән
Ваҡиға урынына килгән Рәсәй гвардияһы белгестәре шикле предметты тикшергәндән һуң, 105-се артиллерия снарядының шартлау хәүефе булыуын асыҡлаған. Бөтә хәүефһеҙлек талабын үтәп, ул карьерға, тораҡ пункттарынан алыҫ урынға сығарылған һәм юҡ ителгән.
Рәсәй гвардияһы снарядҡа, минаға йәки гранатаға оҡшаған әйберҙе тапҡанда һаҡ булырға, табышҡа яҡын килмәҫкә һәм шунда уҡ хоҡуҡ һаҡлау органдарына хәбәр итергә кәрәклеген иҫкә төшөрә.
Фото: Т. Аманов
