Радий Хәбиров яңы спорт объекттары хаҡында һөйләне

"Быйыл Борайҙа физкультура-һауыҡтырыу үҙәге сафҡа индереләсәк. Универсаль спорт залында дүрт көрәш майҙаны, волейбол, баскетбол, мини-футбол, гандбол өсөн майҙандар буласаҡ. Шулай уҡ тренажер залы, массаж кабинеты, буфет, конференц-зал күҙаллана. Октябрьский ҡалаһында киләһе йыл башында Боҙ һарайын асасаҡбыҙ... Эшебеҙҙең тағы ла бер йүнәлеше - ГТО нормалары тапшырыу өсөн майҙансыҡтар. Улар  42 муниципалитетта бар. 2024 йылға Башҡортостандың бөтә ҡалаһы һәм районында буласаҡ" , тип яҙған Радий Фәрит улы.
Һәм шулай тип тә өҫтәгән: "Тап спорт беҙҙә иң яҡшы сифаттар тәрбиәләй, көслө, ныҡыш, дисциплиналы, һәм, әлбиттә, сәләмәт итә, тип һәр саҡ әйтәм. Шуға ла иң мөһим бурысыбыҙҙың береһе - кешеләргә, ҡайҙа йәшәүҙәренә ҡарамаҫтан, спорт менән шөғөлләнергә мөмкинлектәр булдырыу".