+21 °С
Болотло
Яңылыҡтар таҫмаһы
7 Сентябрь 2022, 13:15
Йәйәүлене тапаған водитель табылған
Мишкә районында, Оло Сухояз-Тынбай автомобиль юлының унынсы саҡрымында, билдәһеҙ водителдең йәйәүлене бәрҙереп, юл-транспорт ваҡиғаһы урынын ташлап ҡасыуы тураһында хәбәр иткәйнек. Полиция хеҙмәткәрҙәре оператив-эҙләү саралары барышында водителде, 22 йәшлек егетте, эҙләп тапҡан.
Йәйәүлене тапаған водитель табылған
Уның һүҙҙәренсә, таңғы дүрт тирәһендә ул "ВАЗ-2112" машинаһында китеп барғанда, ҡапыл юлына йәйәүле ир килеп сыҡҡан... Водитель туҡтап, уға тәүге медицина ярҙамын күрһәтергә маташҡан. Ләкин бер нисек тә ярҙам итә алмаҫын аңлап, юл-транспорт ваҡиғаһы урынынан ҡасҡан. Һөҙөмтәлә ир алған йәрәхәттәрҙән вафат булған. Тикшереү күрһәтеүенсә, водителдең организмында тын алғанда сыҡҡан бер литр һауаға 0.540 мг алкоголь булған. Ғәйепләнеүсе, спиртлы эсемлекте юл-транспорт ваҡиғаһынан һуң ҡулландым, ти.
Был ваҡиға буйынса тикшереү бара.
Фото: БР ЮХХДИ.
