Бындай хәбәрҙе Радик Юлъяҡшиндан бер кем дә көтмәгән ине

Билдәле эстрада йырсыһы Радик Юлъяҡшин бынан алда Өфөнән Мәскәүгә күсергә йыйыныуын иғлан иткәйне, «Рәсәй-Башҡортостан радиоһы»ндағы тапшырыу эфирында ул Башҡортостан тамашасыһы менән эш итеүен тамамламауы хаҡында белдерҙе. Уның һүҙҙәренсә, ул ижадын туған телдә дауам итәсәк.

- Мәскәүгә күсеү - минең йырлауҙан туҡтауымды аңлатмай. Мин шулай уҡ башҡортса йырлауымды дауам итәсәкмен, әммә күберәк русса ижад итәсәкмен, - тип аңлатты Юлъяҡшин.

Шулай уҡ башҡарыусы популяр проектты - Элвин Грейҙы юҡ итергә йыйынмауын белдерҙе.

Фото: Т. Аманов