Янғын һигеҙ йәшлек баланың ғүмерен өҙҙө

Башҡортостан буйынса Ғәҙәттән тыш хәлдәр министрлығының баш идаралығына ут сығыуы тураһында хәбәр төнгө 1-се 42 минутта килә, төнгө 3-сө 4 минутта янғын һағы хеҙмәткәрҙәре тарафынан асыҡ ут һүндерелә.

Ҡотҡарыусылар подъездан 11 кешене, шул иҫәптән ике баланы сығарған. Салауат ҡала дауаханаһына һөрөм еҫенән ағыуланған 8 йәшлек ҡыҙыҡайҙы алып килгәндәр, бала комаға киткән. Үкенескә күрә, ҡыҙ аңына килмәйенсә дауаханала үлгән.

Әле янғын сәбәптәрен Ғәҙәттән тыш хәлдәр министрлығы тәфтишсеһе асыҡлай.

Фото: Т. Аманов