Башҡортостанда 16 йәшлек ҡыҙ пенсионер ҡатынды туҡмаған

Унда подъездағы шау-шыуҙан арыған оло йәштәге ҡатын үҫмерҙәрҙе киҫәтеү һәм тынысландырыу өсөн сыҡҡан. Тик йәштәр өлкән кешенең әйткәндәрен тыңларға теләмәгән, хатта үҫмер ҡыҙҙарҙың береһе пенсионер ҡатынға ташланған уға һуҡҡан.

– 7 августа иртән полицияға 1957 йылғы ҡатын 16 йәшлек ҡыҙҙан туҡмалыуын хәбәр итеп, ғариза яҙа. Тикшереү барышында асыҡланыуынса, 16 йәшлек ҡыҙ иҫкәртеүгә яуап итеп, ғариза яҙыусыға ҡул күтәргән, – ти хоҡуҡ һаҡсылары.

Әлеге ваҡытта суд-медицина экспертизаһы тәғәйенләнгән, тикшереү үткәрелә, уның һөҙөмтәләре буйынса процессуаль ҡарар ҡабул ителәсәк,  тип билдәләнеләр ведомствоның матбуғат хеҙмәтендә.

Фото: Т. Аманов