Спорт фестивалдәре гөрләп үтте

Октябрьский ҡалаһында ГТО буйынса төрлө сарала был йылдың яртыһында ғына 1661 кеше ҡатнашҡан. Ҡалала биш фестиваль ойошторолған: уҡыусылар араһында ҡышҡы һәм йәйге фестиваль, ҡышҡыһының икенсе этабы, Президент фондтары ярҙамында "Төп еңеү - үҙеңде еңеү", предприятиелар араһындағы фестивалдәр.

ГТО нормаларын тапшырыу һуңғы йылдарҙа бик әүҙемләште. Халыҡ үҙ физик мөмкинлеген тикшерергә ынтыла. Тотош ғаиләләр ГТО үтәргә килә.

"Демография" милли проектының "Спорт - йәшәү нормаһы" йүнәлеше буйынса саралар күп ойошторола.

ФОто: Октябрьский ҡалаһы хакимиәтенән.