+22 °С
Дождь
Яңылыҡтар таҫмаһы
13 Июля 2022, 15:22
Алда - етди һайлауҙар
Бөгөн Башҡортостан Башлығы Радий Хәбиров республиканың яңыртылған Үҙәк һайлау комиссияһы ағзалары менән осрашып, киләсәккә бурыстар билдәләне.
Алда - етди һайлауҙар
Майҙа элекке составтың вәкәләте бөткәйне, тағы биш йылға яңыһы һайланды. Уға 12 кеше инде.
Әйткәндәй, комиссияның етәкселеге үҙгәрмәне: Илона Макаренко - рәйес, Марат Ғәҙелов - урынбаҫар, Марина Долматова секретарь булып эшләүен дауам итә.
Осрашыуҙа Радий Хәбиров Үҙәк һайлау комиссияһының төп бурыстарын билдәләне:
- Алда яңы һайлау кампаниялары - 2023 йылда БР Дәүләт Йыйылышы - Ҡоролтайға депутаттар һайлау үтәсәк. Беҙҙә төрлө сәйәси партия эшләй. Һәр кандидатҡа тиң мөмкинлектәр, һайлаусыларға тауыш биреү өсөн уңайлы шарттар булдырыу мөһим. Ә 2024 йылда Рәсәй Президентын һәм Башҡортостан Башлығын һайлау була. Улар - бик етди сара, әле үк әҙерләнә башларға кәрәк.
Фото: БР Башлығы сайтынан.
