+22 °С
Ямғыр
Яңылыҡтар таҫмаһы
10 Июль 2022, 05:42
Талпандарҙан һаҡ булығыҙ!
Талпандар таратҡан инфекциялар менән сирләүселәр һаны артҡан. Бигерәк тә Өфө, Бәләбәй, Бөрө, Ишембай, Нефтекама, Октябрьский, Салауат, Туймазы, Ағиҙел ҡалаларында, Асҡын, Белорет, Благовар, Благовещен, Бүздәк, Ғафури, Дүртөйлө, Ейәнсура, Илеш, Иглин, Ҡалтасы, Ҡариҙел, Мәсетле, Стәрлетамаҡ, Тәтешле, Учалы, Саҡмағош һәм Шаран райондарында талпан ҡаҙалыу осрағы күп теркәлгән.
Талпандарҙан һаҡ булығыҙ!
Ҡырға сыҡҡанда тәнегеҙҙе ҡаплаған кейем кейегеҙ, талпандарға ҡаршы спрей һиптерегеҙ, крем һөртөгөҙ, кейемде, тәнде даими тикшерегеҙ.
Был бөжәк дымлы, күләгәле урындарҙы ярата, шуға ла бейек үләнгә, ағас ышығына ятмағыҙ. Һуҡмаҡ тирәләй ҙә күп була торған.
Бөжәктең тәнгә ҡаҙалғанын күрһәгеҙ, ҡапыл һурып сығармағыҙ - башын өҙөүегеҙ ихтимал. Бөжәк өҫтөнә май йәки спирт тамыҙып, бер аҙ көтөгөҙ ҙә, пинцет менән йәки епте элмәк рәүешендә бәйләп, талпанды һаҡ ҡына өҫкә тартығыҙ. Тәнгә ҡаҙалған талпанды мотлаҡ лабораторияға тикшереүгә алып барырға кәрәк.
Ауырымаҫ өсөн иң ҡулай сара – талпанға ҡаршы вакцина эшләтеү.
Фото: асыҡ сығанаҡтарҙан.
