+21 °С
Болотло
Яңылыҡтар таҫмаһы
10 Июль 2022, 04:44
"Шәхси финанстар академияһы" курстары ҡиммәткә төшә
Өфөлә йәшәгән иргә социаль селтәрҙән биржа сауҙаһы семинарын үтергә лә, артабан инвестициялар менән шөғөлләнергә тәҡдим килгән. Әңгәмәсе депозиттар өсөн 45 мең һум аҡса күсереүҙе һораған. Аҡса күсеү менән әңгәмә өҙөлгән... Семинар тигәндәре шул ғына булған, ахыры. Тик биржа сауҙаһы буйынса түгел, ә мутлыҡ буйынса.
"Шәхси финанстар академияһы" курстары ҡиммәткә төшә
Салауат ҡалаһынан 41 йәшлек ҡатын да интернетта онлайн уҡырға ниәтләп, "Шәхси финанстар академияһы" курстары өсөн 37 мең һум аҡса күсергән. Әммә был курстарҙа нимә уҡытҡандарын белмәй ҡалған шул - әңгәмәсе бәйләнеште өҙгән.
Стәрлетамаҡтан йәш ир йәйгеһен диңгеҙҙә ял итергә теләп, ғинуар айында уҡ интернетта турагентлыҡ сайтын табып, тур һайлап алған да, билдәһеҙ банк иҫәбенә 40 мең һум аҡса күсергән. Ял итергә ваҡыт еткәс кенә сайттың клон булыуын, уның менән һөйләшеүҙәр алып барған турагенттың эҙе лә юҡлығын белгән.
Тәүлек эсендә муттар 17 кешене алдаған.
Фото: асыҡ сығанаҡтарҙан.
