Яңы уҡыу йылына 63 мәктәп ремонтланасаҡ

1 сентябргә 63 мәктәп яңыртыласаҡ, ә алдағы ике йылда бөтәһе 134 мәктәпте ремонтлайһы бар. Бөгөнгө оператив кәңәшмәлә белдереүҙәренсә, 2026 йылға тиклем республикала 365 уҡыу учреждениеһы яңыртыласаҡ. Был эшкә бәйле күрһәткес буйынса Башҡортостан илдә - икенсе, Волга буйы федераль округында беренсе урында.

БР Башлығы Радий Хәбиров мәктәптәрҙе капиталь ремонтлау буйынса федераль программала ҡатнашыуға әҙерлекте ойоштороу йәһәтенән республиканың Мәғариф һәм фән министрлығы етәкслегенә рәхмәт әйтте. 

- Беҙҙең балалар уңайлы шарттарҙа уҡыһын өсөн мәктәптәрҙе яңыртыуҙы сифатлы һәм ваҡытында башҡарыу мөһим, - тине республика етәксеһе.

Фото: БР Башлығы сайтынан.