+24 °С
Дождь
Яңылыҡтар таҫмаһы
3 Июля 2022, 14:07
"Асылыкүл" тәбиғәт паркында Рәсәйҙең Ҡыҙыл китабына индерелгән ҡош бар
Дәүләкән районы биләмәһендә урынлашҡан "Асылыкүл" тәбиғәт паркында орнитологтар каравайка тигән ҡошто осратҡан. Рәсәйҙең Ҡыҙыл китабына индерелгән ҡошто республика биләмәһендә быға тиклем 2020 йылдың 11 майында Стәрлетамаҡ районының Покровка ауылы эргәһендә генә күргәндәре булған (ҡошто Константин Быков күргән).
"Асылыкүл" тәбиғәт паркында Рәсәйҙең Ҡыҙыл китабына индерелгән ҡош бар
Был юлы бик һирәк ҡунаҡты 28 июндә Дәүләкән районында орнитологтар Эльза Ғаббасова менән Константин Данилов күҙәткән, тип хәбәр итәләр республика Башлығы хакимиәтенең матбуғат хеҙмәтенән. Был ҙур һәм гүзәл ҡошто осратыу, фотоға төшөрөү - ҙур уңыш, ти ғалимдар.
Ошоға тиклем орнитологтар Берҡаҙан-ҡамыш һаҙлығында беҙҙең төбәктә бик һирәк оялаған ерән селән парын да осратҡан (селән - цапля).
Фото: асыҡ сығанаҡтарҙан.
"Асылыкүл" тәбиғәт паркында Рәсәйҙең Ҡыҙыл китабына индерелгән ҡош бар
