+22 °С
Ямғыр
Яңылыҡтар таҫмаһы
28 Июнь 2022, 09:20
Луганск Халыҡ Республикаһынан килгән балаларҙы өйҙәренә оҙаттылар
Красный Луч ҡалаһынан килгән бер төркөм бала беҙҙең һауыҡтырыу лагерында ял иткәйне. Уларҙы оҙатырға БР мәғариф һәм фән министры Айбулат Хажин да килде.
Луганск Халыҡ Республикаһынан килгән балаларҙы өйҙәренә оҙаттылар
199 бала 8 - 28 июндә «Зеленые дубки» лагерында йәшәне. Бөгөн улар Өфөнөң тимер юл вокзалынан ҡайтыр юлға сыҡты.
Министр Айбулат Хажин әйтеүенсә, беҙҙең республика уларҙы тағы ла ҡолас йәйеп ҡаршыларға әҙер.
- Иҫән-имен ҡайтып етегеҙ. Һеҙҙең бала сағығыҙ тыныс, бәхетле булыуын теләйем, - тине ведомство башлығы.
Красный Лучтағы 20-се мәктәп уҡытыусыһы Анна Грибоедова һәммәһе исеменән дә рәхмәт белдерҙе. Улар өсөн каникул һиҙелмәй ҙә үтеп киткән, тәьҫораттарға бай булған. Беҙҙең ҡунаҡсыллыҡ һоҡландырған.
Фото: "Башинформ"
