+22 °С
Дождь
Яңылыҡтар таҫмаһы
21 Июня 2022, 13:19
Ит изгелек - көт яуызлыҡ
Кисә Учалы районының Уральск ҡасабаһында 40-45 йәштәр тирәһендәге ҡатын 9-10 йәшлек ҡыҙ баланы эйәртеп, ҡасаба буйлап йөрөп, аҡсалата ярҙам һораған. Йәнәһе лә, улар ҡасаҡтар ("беженки"), бер ниһеҙ илебеҙгә ҡасып килгәндәр. Ауыр хәлдә ҡалған "бисараларҙы" йәлләп, оло йәштәге әбей уларҙы өйөнә индерә, 2 мең һум аҡса бирә. Саҡырылмаған ҡунаҡ эсергә һыу һорай ҙа, стакандағы һыу ҡарайҙы бит, һеҙҙә боҙом бар, тип әбейҙе ҡурҡыта. "Фокус-покус" күрһәтеп, ул хужабикәнең 35 мең һум аҡсаһын йәшерен сәлдерә. Шул мәлдә әбейҙең ейәнсәре уянып, аңын-тоңон белеп бөтмәйенсә, ҡунаҡтарҙы ҡыуып сығара. Улар күҙҙән юғалғас ҡына әбей аҡсаһы юғалғанын асыҡлай.
Ит изгелек - көт яуызлыҡ
Мутлашыу факты буйынса РФ Енәйәт кодексының 159-сы статьяһының 2-се өлөшө буйынса енәйәт эше ҡуҙғатылған. Ҡатын менән ҡыҙҙы полиция эҙләй.
Ҡатындың билдәләре: буйы 170 см яҡын, ҡарамаҡҡа 40-45 йәш. Оҙон йәшел күлдәктә булған, яулыҡ ябынған. Уның менән бергә йөрөгән ҡыҙ 9-10 йәштәрҙә, һары сәсле, ҡыҙыл блузка, аҡ итәк кейгән, башында кепка.
Фото: асыҡ сығанаҡтарҙан.
