Көслө ел йорттарҙың ҡыйыҡтарын емергән

Миәкә районында бөгөн, 17 июндә, көслө ел ике йорттоң ҡыйығына зыян килтергән, тип хәбәр иттеләр улар Боғҙан ауыл биләмәһе башлығына һылтанма менән. Бирелгән мәғлүмәттәр буйынса, ел тиҙлеге секундына 16 метрға еткән.
Һөҙөмтәлә Яңы урамдағы 9-сы йорттоң ҡыйығы ҡуптарылған, дөйөм зыян күреү 40 квадрат метр тәшкил итә. Шулай уҡ ошо уҡ урамда тағыла бер йорттоң ҡыйығын осорған. Зыян күреү 12 квадрат метр. Йәрәхәтләнеүселәр юҡ, кешеләрҙе хәүефле зонанан эвакуациялау талап ителмәй. Ремонт эштәрен иртәгә башҡарыу планлаштырыла.

Фото: Т. Аманов