+22 °С
Ямғыр
Яңылыҡтар таҫмаһы
16 Июнь 2022, 09:32
“Агроэкспресс” проекты беҙҙә лә ғәмәлгә ашырыласаҡ
Бөгөн Петербург халыҡ-ара иҡтисад форумында башҡортостан Хөкүмәте менән “Евразия Агрологистикаһы” агросәнәғәт эшмәкәрлеге үҫешенә булышлыҡ итеү буйынса автономлы коммерция булмаған ойошмаһы араһында килешеү төҙөлдө.
“Агроэкспресс” проекты беҙҙә лә ғәмәлгә ашырыласаҡ
Килешеүҙең маҡсаты – Евразия иҡтисади союзы илдәрендә эшләгән «Агроэкспресс» тимер юл аша тиҙ һәм мультимодаль ташыуҙарҙы бойомға ашырыу буйынса берлектәге проектҡа ярашлы, Башҡортостан биләмәһендә күмәртә-бүлеү үҙәген ойоштороуға йүнәлтелгән хеҙмәттәшлек.
Документҡа Башҡортостан Хөкүмәте Премьер-министры Андрей Назаров һәм «Евразия Агрологистикаһы» ойошмаһының генераль директоры Алевтина Кириллова ҡул ҡуйҙы.
«Агроэкспресс» проекты – Рәсәйҙең юғары тиҙлекле контейнер поездары ярҙамында Ҡаҙағстанға, Үзбәкстанға, Иранға һәм Яҡын Көнсығышҡа аҙыҡ-түлек оҙатыу буйынса «Рәсәй тимер юлдары Логистика» һәм «Рәсәй экспорт үҙәге» акционер йәмғиәттәренең махсуслаштырылған сервисы.
Андрей Назаров билдәләүенсә, был проектты беҙҙә ғәмәлгә ашырыу республика иҡтисадына 8 млрд һум аҡса килтерәсәк, 100 эш урыны булдырыласаҡ.
Фото: БР Хөкүмәте сайтынан.
