Бушлай һөнәри әҙерлек үтергә теләһәң

 
2022 йылдың 6 июненә сарала ҡатнашырға теләүселәрҙән 6,4 меңдән ашыу ғариза килгән, уларҙың 2,6 меңен халыҡ мәшғүллеге үҙәктәре хуплаған. Программа тормошҡа ашырыла башлағандан алып - быйыл апрелдән - 1,4 меңдән ашыу кеше һайланған программалар буйынса уҡытыуға йүнәлтелгән.

– Башҡортостан өсөн квота 1,8 тапҡырға арттырылды. Тимәк, күберәк кеше яңы һөнәри компетенциялар ала аласаҡ һәм һөҙөмтәлә мәшғүл буласаҡ. Улар араһында - инклюзив белем биреү шарттарында һаулыҡ мөмкинлектәре сикле уҡыусылар өсөн уҡыу материалдарын адаптациялау, уйын мастеры, онлайн-фармацевт, педагог-дефектолог, һанлы трансформация шарттарында белгес һөнәри эшмәкәрлегендә һаҡсыл инструменттар, маркетплейстарҙа эшләү буйынса белгес һәм башҡалар бар, – ти БР ғаилә, хеҙмәт һәм халыҡты социаль яҡлау министрының беренсе урынбаҫары Юрий Мельников. Мәғариф программалары банкы, ул локаль хеҙмәт баҙары талаптарынан сығып тулылана. 1,3 меңдән ашыу профессиональ белем биреү һәм өҫтәмә һөнәри белем биреү программаһы, шул иҫәптән әҙерлек, ҡайтанан әҙерләү, квалификация күтәреү программалары иҫәпләнә. Уҡыу көндөҙгө, ситтән тороп, шулай уҡ дистанцион формала алып барыла. Уҡыу шарттары буйынса уҡыуҙы тамамлаған граждандарҙың 75 проценты хеҙмәт эшмәкәрлегенә тотонорға, шәхси эшҡыуар сифатында теркәлергә - «Һөнәри килемгә һалым» махсус һалым режимын ҡуллана башларға тейеш.

Программала ҡатнашып, яңы һөнәр үҙләштерергә йәки 2022 йылда 50 йәшкә тиклемге һәм унан өлкән граждандар, пенсия алды йәшендәге кешеләр, өс йәшкәсә бала ҡарау буйынса отпускыла булған йәш әсәләр, хеҙмәт мөнәсәбәттәрендә тормаған һәм мәктәпкәсә йәштәге балаһы булған ҡатын-ҡыҙҙар, 35 йәшкә тиклемге йәш кешеләр менән бер рәттән өҫтәмә профессиональ белем алырға мөмкин. Конкурста ҡатнашыуға ғариза биреү механизмы ябай - «Работа в России» порталында яҙылырға кәрәк. Артабан ҡатнашыусыларҙы программала ҡатнашыуҙарын раҫлау өсөн халыҡ мәшғүллеге үҙәгенә саҡыралар.