Алданған өлөшсөләрҙең проблемалары хәл ителә

Быйыл 1 ғинуарға ҡарата 106 объект ваҡытында төҙөлөп бөтмәгән. 23 йорттоң алданған өлөшсөләре үҙ  хоҡуҡтарын тергеҙгән. Был күрһәткес 83-кә тиклем кәмегән.

 - Граждандарҙың хоҡуҡтарын тергеҙеү - өҙлөкһөҙ эш алып барылған йүнәлештәрҙең береһе. Эш ябай түгел, ләкин күрелгән саралар һәм үҙ-ара килешеп эш итеү һөҙөмтәһендә алданған өлөшсөләр һаны кәмей, - тип билдәләгән министр урынбаҫары Артем Ковшов. Берҙәм проблемалы объекттар реестрына 67 төбәктәге йорттар  иҫәпләнә. Ул республика- өлкәләрҙең 47-һендә дөйөм алғанда 400 йорт проблемалылар исемлегенән төшөрөлгән. Лидерҙар – Мәскәү өлкәһе (-109 йорт). Артабан икенсе урында Новосибирск өлкәһе (-31 йорт), өсөнсө урында Башҡортостан Республикаһы (-23 йорт), дүртенсе, бишенсе урындарҙа Краснодар крайы (-19 йорт) һәм Ленинград өлкәһе (-18 йорт) килә.

2022 йылдың беренсе кварталында  республикала 2,5 мең яҡын кешегә түләүҙәр тәғәйенләнгән. Уларҙың 83 проценты алған, тағы 425 кеше сиратын көтә.