+24 °С
Ямғыр
Яңылыҡтар таҫмаһы
3 Июнь 2022, 17:11
Бына һиңә ҡунаҡ...
Стәрлетамаҡта йәшәгән егет "Бәйләнештә" 1999 йылғы егет менән танышып, ярты төнгәсә һөйләшеп, уны үҙенә ҡунаҡҡа саҡырған. Яңы танышы инәлтеп тормаған, төнгө дүрт тирәһендә килеп тә еткән. Килеп ингәс тә, ул бысаҡ менән янап, хужаның ҡулдарын бәйләгән һәм телевизорын, кеҫә телефонын, кейемен урлап сығып киткән. Хужа егет ҡулдарын сискәс, айырым йәшәгән әсәһенә барып, полиция саҡырған.
Бына һиңә ҡунаҡ...
Полиция хеҙмәткәрҙәре видеокамера яҙмаһы буйынса енәйәтсене эҙләп тапҡан, ҡулға алған. Әлеге ваҡытта уның ошоға оҡшаш башҡа енәйәттәргә ҡатнашлығы тикшерелә.
Ә зыян күреүсе егеткә был һабаҡ булғандыр, моғайын, башҡаса теләһә кемдәрҙе үҙенә ҡунаҡҡа саҡырып ятмаҫ.
Фото: БР буйынса ЭЭМ матбуғат хеҙмәте.
