+22 °С
Ямғыр
Яңылыҡтар таҫмаһы
2 Июнь 2022, 15:28
Тәүлек эсендә муттар 13 кешене алдаған
Социаль селтәрҙәр еңел табыш, аҡса эшләү тураһындағы иғландар менән тулған. Һәр кемгә лә, моғайын, берәй танышы, менеджер булып эшкә ин дә, өйҙә ятып ҡына, көнөнә, күп булһа, 2-3 сәғәт кенә эшләп, күп иткәнсе аҡса һуҡ, тип тәҡдим иткәндер. Сибайҙа йәшәгән 23 йәшлек ҡыҙға ла шундай тәҡдим менән билдәһеҙ ир шылтыратҡан. Шылтыратыусы бындай эштең рәхәтлеген, ыңғай яҡтарын маҡтап-маҡтап, декрет ялындағы әсәләрҙе миҫалға килтереп, ҡыҙҙы 60 мең һумлыҡ кредит картаһын асырға өгөтләп күндергән. Артабан мут бәндә ҡыҙға һылтанма ебәргән. Ҡыҙ шуның буйынса инеп, картаһының реквизиттарын яҙған. Кредит картаһын асып бөткән мәлдә, ғәмәлдәге картаһынан 56 мең һум аҡса елгә осҡан.
Тәүлек эсендә муттар 13 кешене алдаған
Нефтекамала йәшәгән 59 йәшлек ир иғландар сайты аша газобетон блоктар һатып алырға уйлаған. Төҙөлөш материалын һатҡан кешегә шылтыратҡас, уныһы тауар өсөн 100% түләүҙе һораған. Ир 166 мең һумды күсергәс, "һатыусы" юғалған. Хәҙер ул икенсе берәй тауарҙы шулайтып "һаталыр" инде.
Фото: асыҡ сығанаҡтарҙан.
