+22 °С
Ямғыр
Яңылыҡтар таҫмаһы
29 Май 2022, 09:47
Алкоголдән иң күп ағыуланыу осрағы республиканың өс ҡалаһында теркәлгән
Башҡортостандың Ҡулланыусылар хоҡуҡтарын күҙәтеү хеҙмәте идаралығы алкоголь менән ағыуланыу осраҡтары йыш теркәлгән муниципалитеттарҙы атаны. Рәсми мәғлүмәт буйынса, ағымдағы йылдың дүрт айында төбәктә спиртлы эсемлектәр менән ағыуланыу күрһәткесе 100 мең кешегә 10,3-кә еткән (2021 йылдың ошо уҡ осоронда спиртлы эсемлектәр менән ағыуланыу кимәле - 100 мең кешегә 7,3). Киҫкен ағыуланыу осраҡтары 42 муниципалитетта теркәлгән. Алкоголь менән иң күп ағыуланыу осрағы Стәрлетамаҡта теркәлгән - 126. Шулай уҡ Өфө лә ҡалышмай - унда 112 осраҡ. Өсөнсө урында 69 осраҡ менән Октябрьский ҡалаһы. Тулыраҡ сайтта.
Алкоголдән иң күп ағыуланыу осрағы республиканың өс ҡалаһында теркәлгән
Спиртлы эсемлектәр менән Туймазыла 16 кеше ағыуланған, Стәрлетамаҡ районында - 15 кеше, Өфө районында - 10, Дүртөйлөлә - алты, Туймазы районында - биш кеше, Нефтекама ҡалаһында һәм Баҡалы районында - дүртешәр кеше, Дүртөйлө һәм Иглин райондарында - өсәр кеше, Белорет, Салауат ҡалаларында, Архангель, Белорет, Дәүләкән, Йылайыр, Илеш, Ҡариҙел райондарында - икешәр кеше. Благовещен, Дәүләкән, Ишембай ҡалаларында, Әбйәлил, Әлшәй, Ауырғазы, Бишбүләк, Бөрө, Благовещен, Йәрмәкәй, Ишембай, Ҡалтасы, Ҡырмыҫҡалы, Ҡыйғы, Кушнаренко, Мәләүез, Мәсетле, Краснокама, Салауат, Стәрлебаш, Шишмә, Шаран райондарында берешәр осраҡ теркәлгән.
Фото: асыҡ сығанаҡтарҙан.
