Беҙгә Үзбәкстан инвесторҙары килә

Был хаҡта БР Хөкүмәте Премьер-министрының беренсе урынбаҫары Рөстәм Моратов белдергән.

– Халыҡ-ара хеҙмәттәшлек – Хөкүмәттең эшмәкәрлегенең өҫтөнлөклө эш йүнәлеше. Теләһә ниндәй илгә эш сәфәре менән барыр алдынан ике яҡ өсөн дә отошло булған хеҙмәттәшлек итеү, үҙ-ара тауар әйләнешен булдырыу өсөн ғәйәт ҙур эш алып барыла. Әле беҙ Үзбәкстанға  эш сәфәре буйынса юл картаһын булдыра башланыҡ. Килешеүҙәр төҙөлгәс, һуңынан уны тулыландырасаҡбыҙ, – тигән ул.

 Халыҡ-ара йүнәлештәге эштәр үҙ һөҙөмтәһен бирмәй ҡалмай. Мәҫәлән, Төркиәлә Башҡортостан вәкиллеге асылған һәм «Алға» махсус иҡтисади зонаһы буйынса инвестиция проекты бойомға ашырыла. Белоруссия менән һөйләшеүҙәр алып барғас, улар беҙҙә МКДОР заводын төҙөй башлаясаҡ.