Контракт буйынса хеҙмәт итеү өсөн йәш сикләүе булмаясаҡ?!

Проект авторҙары – парламенттың Оборона буйынса комитеты рәйесе Андрей Картаполов һәм уның беренсе урынбаҫары Андрей Красов.

Әле ғәмәлдә булған законда хәрби хеҙмәт тураһында контракт килешеүен 18 – 40 йәшлек Рәсәй граждандары төҙөй ала (сит илдекеләр 18 – 30 йәштә). Әгәр законға үҙгәрештәр хупланһа, йәш сикләүе бөтөрөләсәк. Депутаттар аңлатыуынса, “юғары төҙлөктәге ҡорал, заманса хәрби техника менән эшләү өсөн юғары квалификациялы яҡшы белгестәр кәрәк. Ә тәжрибә күрһәтеүенсә, ундайҙар, ғәҙәттә, 40 – 45 йәшлек була”.

Шулай, ағайҙар, әрмелә булғанығыҙҙы иҫкә төшөрөп, контракт төҙөп, хәрби хеҙмәткә китер инегеҙме?