+22 °С
Ямғыр
Яңылыҡтар таҫмаһы
21 Май 2022, 02:00
Тәмле сәй сере
Бер төркөм кеше йыш ҡына осрашып, яңылыҡтар һөйләшеп, сәй эсеп ултырырға ярата икән. Сәйҙе лә былай ғына түгел, ә яңынан-яңы сорттарын сығарырға, иң тәмле һәм ҡиммәтлеһен асыҡларға тигән маҡсаттан эсәләр, ти.
Бер көн шулай сират араларынан иң оло иргә еткән. Ул һауалы ғына итеп, баһаһын белеп, тантаналы рәүештә, үҙе кинәйәле йылмайып, алтын ялатылған кәсәләргә сәй яһаған. Башҡалар эй маҡтап эскән, бындай ҙа үҙенсәлекле тәмде ҡайҙан сығарғанын һорашҡан, һоҡланған, ҡиммәтлелеген белдергән.
– Дуҫтарым, был сәйҙе минең хужалығымда ярҙамлашҡан крәҫтиәндәр эсә, – тигән аҡһаҡал.
Шулай, был тормошта иң яҡшы нәмә гел генә ҡыйбат тормай, уны күрә һәм таба белергә генә кәрәк.
Айсын АҠБУЛАТОВА әҙерләне.
