Торлаҡ төҙөлөшө йылдам бара

Төҙөлөш комплексы – һәр ваҡыт заман менән бергә атлаған иң мөһим иҡтисади тармаҡтарҙың береһе.
Республикала торлаҡ төҙөлөшө йылдам үҫешә. Быйыл дүрт айҙа 1 миллион квадрат метр торлаҡ төҙөлгән һәм файҙаланыуға тапшырылған. Был ,үткән йылдың ошо ваҡыты менән сағыштырғанда, 10,8 процентҡа күберәк. Башҡортостан Башлығы Радий Хәбиров Республикаға идара итеү үҙәгендә үткән Хөкүмәттең оператив кәңәшмәһендә ошо һандарҙы хәбәр итте.

 – Былтыр ҙа  торлаҡ төҙөү буйынса бик юғары күрһәткестәргә өлгәштек.  Быйыл да  булған әүҙемлекте  юғалтмаҫҡа тырышайыҡ. Төҙөлөш туҡталмаһын, дауам итһен өсөн мөмкин булғандың барыһы ла эшләнһен. Был бик мөһим, – тине Радий Хәбиров.

 План буйынса быйыл 2,343 миллион квадарт метр торлаҡ төҙөлөп бөтөлөргә тейеш.