Был объект ҡайҙа ҡуйыласаҡ?

Өфө ҡалаһының Үҙәк баҙары янындағы түңәрәк майҙанды нисек матурыраҡ итергә? Ҡала властары ошо мәсьәлә буйынса оҙаҡ баш ватты. Һәм, ниһайәт, конкурс иғлан ителеп, иң яҡшы арт-объект һайлап алынды.

Конкурсҡа 38 проект ҡабул ителгән. Шуларҙың 29-ы баһалама комиссияһы тарафынан һайлап алынған да, уның да араһынан һеҙ фотола күргән "арт" авторы еңеп сыҡҡан. Ул "Ҡул йылыһы" тип атала. Авторы Илья Ищенко Мәскәүҙең "Ҡала үҫеше институты" автономлы коммерция булмаған ойошма вәкиле. Ике ҡул символы Европа менән Азия осрашҡан урынды сағылдыра икән. Бынан тыш, объектта милли музыка ҡоралдарында көй ҙә яңғыраясаҡ.
Шәпме?

Фото: Өфө хакимиәте сайтынан.