Бөтә Рәсәй Инвестиция һабантуйына әҙерлек бара

Быйыл инвестһабантуй 2 июндә асыла ла, 4-ендә Баймаҡ районында һабантуй менән тамамлана.

Ултырышты асып, БР Хөкүмәте Премьер-министры Андрей Назаров фекер алышыуҙа ҡатнашыусыларға рәхмәт белдерҙе. Санкциялар арҡаһында сит илдәрҙәге партнерҙар бик үк килә алмай, шулай ҙа Ҡаҙағстан, Белоруссия, Төркиә вәкилдәре киләсәген раҫлаған.

- Форум йыл һайын уҙа, саралары ла арта. Үткән өс инвестһабантуйҙа барлығы 57 килешеү төҙөлгән, 33 инвестиция килешеүенең дөйөм суммаһы 113 млрд һум. Был сара – көрсөк шарттарында үҫештең иң яҡшы тәжрибәләре менән уртаҡлашыу майҙаны, - тине Андрей Назаров.

Фото: БР Башлығының матбуғат хеҙмәте.