Юл фажиғәләре - 10 май

Кисә киске сәғәт ун беренселә Ҡырмыҫҡалы районында, Өфө-Инйәр-Белорет автоюлының 7-се саҡрымында, ҡара-ҡаршы килгән "Лада Приора" менән "Лада Ларгус" бәрелешеп, "Ларгус"ты "Hyundai Getz" машинаһына алып бәргән. "Ларгус"тың пассажиры, 73 йәшлек ҡатын, аварияла ауыр йәрәхәтләнеп, дауаханала йән биргән. "Приора"водителенә, "Ларгус"тың 52 йәшлек пассажирына медицина ярҙамы күрһәтелгән.

Төндә Өфөнөң Киров районында Мишкә районынан 24 йәшлек егет идара иткән "Hyundai Accent" менән Өфөнән 22 йәшлек егет идара иткән "Volkswagen Tiguan" машиналары бәрелешеп, "Hyundai" водителе һәләк булған. Икенсе водитель менән уның пассажиры, 18 йәшлек ҡыҙ, дауаханаға оҙатылған.

Иртән Мишкә районында, Өфө-Яңауыл автоюлының 133-сө саҡрымында, «Рено Сандеро» менән «Шкода Румстер» машиналары бәрелешкән. «Рено Сандеро» бәрелеүҙән юлдан осоп төшөп, янып киткән. Аварияла биш кеше һәләк булған: ике кеше «Рено» машинаһынан, өс кеше «Шкода»нан. Һәләк булыусылар араһында бала ла бар...

Һәләк булыусыларҙың яҡындарының ауыр ҡайғыһын уртаҡлашабыҙ...

Фото: БР ЮХХДИ.