«РАЕX-Аналитика» рейтинг агентлығы РФ Йәмәғәт палатаһы менән берлектә НКО-сектор үҫеше буйынса бойондороҡһоҙ рейтинг төҙөп, сираттағы отчетын баҫтырып сығарған.
Исемлек төҙөү өсөн төп һорау шулай: “Төбәктә коммерция булмаған сектор нисек үҫә һәм ниндәй кимәлдә ғәмәлгә ашырыла?” Һәм ун фактор ҡарала.
“НКО-сектор масштабы” күрһәткесендә беҙ – бишенсе. Республикабыҙҙан алда – Мәскәү, Санкт-Петербург ҡалалары, Татарстан республикаһы һәм Силәбе өлкәһе. “РФ төбәктәрендә коммерция булмаған ойошмаларға булышлыҡ итеү тураһында онлайн мәғлүмәт асыҡлығы” күрһәткесе буйынса Башҡортостан беренсе урында.
Бынан тыш, “НКО-лар өсөн йәмәғәт палаталарының әһәмиәте” буйынса – ТОП-10-да, ”НКО-ның иҡтисади әһәмиәте”, ”НКО-ның әүҙемлеге”, “НКО-ға булышлыҡ итеүҙә ресурс үҙәктәренең роле” күрһәткесендә беҙ ТОП-20 исемлегендә.
Һөҙөмтә шул: рейтинг күрһәтеүенсә, Башҡортостан – коммерцияға ҡарамаған ойошмалар секторы үҫеше буйынса әүҙем төбәктәрҙең береһе. Бындай баһаны беҙгә РФ Йәмәғәт палатаһы ағзаһы Ирина Абрамова биргән.
Фото: БР Йәмәғәт палатаһы.