0 °С
Болотло
Бөгөн иртәнге сәғәт 11 тула егерме минут тирәһендә ашығыс хеҙмәттәргә Мишкә янында ҡот осҡос авария теркәлеүе тураһында хәбәр килә. Фажиғә булған урынға тиҙ арала ҡотҡарыусылар ебәрелә.
Асыҡланыуынса, Өфө – Яңауыл трассаһының 133-сө саҡрымында «Skoda Roomster» һәм «Renault Sandero» машиналары бәрелешкән. Авария шул тиклем көслө булған. Бәрелештән һуң «Renault» машинаһы янып киткән. Ҡыҙғанысҡа ҡаршы, юл фажиғәһендә биш кешенең ғүмере өҙөлгән – «Skoda Roomster»ҙан өс кеше, «Renault Sandero»нан ике кеше.
Зыян күреүселәр тураһында мәғлүмәттәр аныҡлана. Тәфтиш-оператив төркөм тикшереү үткәрә.