"Хәтер тупрағы" акцияһы Шайморат ауылында

Марафонды асыу тантанаһында ҡунаҡтарҙы, марафонда ҡатнашыусыларҙы Ҡырмыҫҡалы районы хакимиәте башлығы Әлфир Сабиров, Башҡортостан Республикаһының Мәҙәниәт министрлығы исеменән Республика халыҡ ижады үҙәге генераль директоры Артур Әлибәков һәм Республика Хәрби Дан музейы директоры Илшат Үтәев сәләмләне.

Церемонияла рядовой, Чечня һуғыш ветераны Зәлил Исхаҡов (Ҡырмыҫҡалы районы), рядовой, Афған һуғышы ветераны Радик Фардыкаев (Иглин районы), гвардия майоры Артур Сөләймәнов (Нуриман районы), рядовой, Афған һуғышы ветераны Владимир Петров (Өфө районы), кесе сержант, Афған һуғышы ветераны Ринат Рәхмәтуллин (Ғафури районы), сержант, Афған һуғышы ветераны Айрат Ғәббәсов (Ауырғазы районы), ветеран, Төньяҡ Кавказдағы хәрби хәрәкәттәрҙә ҡатнашыусы сержант Владимир Вашкевич (Архангель районы) һәм сержант Андрей Манетов (Стәрлетамаҡ районы) ҡатнашты.

Акция иртәгә, 9 майҙа Өфөнөң Совет майҙанында тамамланасаҡ. Йыйылған тупраҡ менән гильза тантаналы рәүештә Рәсәй Геройы М.Шайморатов һәйкәле нигеҙенә һалынасаҡ.

Фото: асыҡ сығанаҡтарҙан.