Ике бала атайһыҙ ҡалған...

«Изгелек» хәйриә фонды 29 йәшлек Айнур Ғәйнетдиновтың вафат булыуы тураһында хәбәр итә. Айнур електе күсереү операцияһынан һуң бер ай үткәс, 5 май көнө яҡты донъя менән хушлашҡан. Йәш ирҙе дауалауға изге йөрәкле кешеләр 2,25 млн һум аҡса йыйғайны. Ҡариҙел районының Абыҙ ауылында почтала водитель булып эшләгән Айнур 2017 йылда сысҡан биҙгәгенән һуң етди ауырып китә. Уға електе күсереп ултыртыу талап ителә, әммә кәрәкле донорҙы Рәсәйҙә таба алмайҙар. Дауамы сайтта.

Көндән-көн Айнурҙың хәле ауырая. Шуға ла табиптар быйыл ғинуар айында, бик үк тура килмәһә лә, атаһынан алынған електе уға күсерергә ҡарар итә. Тик Санкт-Петербург дауаханаһына килеү менән Айнур ковид йоҡтора... Шунлыҡтан операцияны мартта ғына эшләйҙәр. Күрһәткестәр насар булғас, Айнурҙы яһалма комаға ебәрәләр. Айнурҙың йөрәге 5 майҙа 15:15 сәғ. тибеүҙән туҡтай.

Айнур ҡатыны менән ике ҡыҙ үҫтергән булған... Йәне йәннәттә булһын!

Уға йыйылған аҡсаның ҡалғанын, яҡынса 1,28 млн һумды, фонд башҡа мохтаждарға бүләсәк.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

Новости партнеров

Синоптиктарға ышанырғамы, Рәйес бабайғамы?

“Җиде бала үстек әткәй белән...”

О чём говорят немые колонны Уфы

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.